Головкин өз салмағындағы ең мықтылардың “бестігіне” мүлде кірмейді. Оның бокс тарихындағы орны
Boxingscene.com сайтының журналисті Стивен Эдвардс қазақстандық Геннадий Головкинді бокс тарихындағы алғашқы бес орта салмақтағы боксшылардың тізімінен көрмегенін мойындады, деп жазады Stan.kz ақпараттық агенттігі Sports.kz-ке сілтеме жасап.
«GGG орта салмақтағы ең мықты спортшылардың ТОП-5-не кірмейді. Ол ұлы жауынгер. Мүмкін ол TOP-15 кіріп қалар, бірақ TOP-5-ке емес. Шындыққа тік қарай білейік және Головкиннің TOP-5-ке кірмегенін мойындау керек», – деп жазды автор.
Естеріңізге сала кетейік, Головкин WBA Super, WBC, IBF және IBO нұсқасындағы орташа салмақ дәрежесіндегі әлем чемпионы болды. Ол өз дәрежесін 20 рет қорғап, аты аңызға айналған атақты Бернард Хопкинспен теңесті. Алайда, маусым айында халықаралық бокс федерациясы (IBF) Головкиннің Сергей Деревянченкомен міндетті жекпе-жек өткізуден бас тартқандығы үшін оны IBF белбеуінен айырды. Ал 15 қыркүйекте ол Саулб Альвареспен болған кездесуде жеңіліс тауып, қалған үш атағын жоғалтты.
Stan.kz
