«ЖАСЫЛ ЕЛ» ЕҢБЕК ЖАСАҒЫНЫҢ АШЫЛУ САЛТАНАТЫ

Бүгін Жалағаш аудандық жастар ресурстық орталығы және Жалағаш ауданы жастарының «Темірқазық» қоғамдық бірлестігінің ұйымдастыруымен Жалағаш ауданы бойынша «Жасыл ел» еңбек жасағы маусымының ашылу салтанатты шарасы өтті.

Шарада аудандық жастар ресурстық орталығының директоры Е.Бақбергенұлы және Облыстық «Жасыл ел» еңбек жасағының штаб жетекшісі С.Әбіл сөз сөйлеп, шілде айында еңбек еткен үздік сарбаздарды марапаттап, тамыз айында жұмыс жасайтын жас сарбаздарға сәттілік тіледі.
Концерттік бағдарлама форматында жалғасқан шарада ауданның жастары ән айтып, заманауи би өнерін халыққа ұсынып, көрермен көңілін көтерді.
Шара аясында белсенділік танытып, ойынға қатысқан жастарға арнайы сыйлықтар табыс етілді.