Алматы қаласында дзюдодан жасөспірімдер арасында өтіп жатқан Әлем чемпионатында жерлесіміз Тілеген Тынарбай қола жүлдені иеленді.
Ол 66 келі салмақ дәрежесінде барлығы 6 кездесудің бесеуінде жеңіске жетіп, тек біреуінде ғана есе жіберіп алды.
Қола медаль үшін өткен кездесуде Грекия спортшысын таза жеңіспен ұтты.
17 жастағы жас спортшы, Жалағаш ауданының тумасы Тілеген Əлем чемпионатына алғашқы рет қатысып, қола жүлдеге ие болды.
Ол биылғы жылдың шілде айында Тайпей қаласында жасөспірімдер арасында Азия чемпионы атанған болатын. Ол енді келесі жылдан бастап жастар арасында жарыстарда өнер көрсетеді. Мақсаты - тəжірибе жинақтап, ересектер сапына өту.