«ХАЛЫҚТЫҚ ЗАҢГЕР» АКЦИЯСЫ ӨТТІ

Жалағаш кентіндегі аудандық емханада «Халықтық заңгер» мобильді азаматтарды қабылдау акциясы өтті. Акцияға аудандық жұмыспен қамту, әлеуметтік бағдарламалар және хал актілер тіркеу бөлімінің басшысы Эльмира Құттымбетова, Жалағаш аудандық орталық аурухана бас дәрігерінің орынбасары Индира Орынбасарова, тауарлар мен көрсетілетін қызметтердің сапасы мен қауіпсіздігін бақылау басқармасының басшысы Оразғали Аханов, Жалағаш ауданы әкімі аппаратының мемлекеттік құқықтық жұмыстар бөлімінің басшысы Қайрат Жаппасбаев қатысты.

Аудан тұрғындары міндетті әлеуметтік медициналық сақтандыру, жұмысқа орналасу, атаулы әлеуметтік көмек т.б. мәселелермен көмекке жүгінді. Келіп түскен өтініштердің нәтижелері бойынша түсіндіру сипатында толыққанды жауап берілді. Мамандар кеңесіне жүгінген жергілікті халықтың сауалы қанағаттандырылды.