Қағаз құжаттар қажет емес: Биыл ҰБТ-ны тапсыру үшін өтініштер электронды түрде қабылданады
Биыл ҰБТ-ға қатысуға өтініштер 10 мамырға дейін ent2020.testcenter.kz сайтында онлайн қабылданады.
Министрліктің мәліметінше, өтініш берудің жаңа форматы қағаз құжаттарынан бас тартуға мүмкіндік береді.
18 жасқа толмаған азаматтардың жеке деректерін жинауға және өңдеуге келісімді аталған порталдан тіркеуден өткен кезде олардың заңды өкілдері береді.
Сондай-ақ, ведомствода порталда тіркелу үшін ЭЦҚ қажет емес екенін атап өтті.
Барлық сұрақтар бойынша Ұлттық тестілеу call-center-іне 8 800 080717 нөмірі бойынша хабарласуға болады.
Сондай-ақ, info@testcenter.kz қолдау қызметі бойынша электрондық поштаға хат жіберуге болады.
Еске сала кетейік, осы жылы түлектер ҰБТ-ны 11 сыныптың төртінші тоқсандағы бағдарламалардың сұрақтарынсыз тапсырады.
