Мемлекет басшысы Қасым-Жомарт Тоқаев ауыл шаруашылығы саласындағы көктемгі науқан, дән себу жұмыстары уақытылы жүруі керектігін айтқан болатын. Осыған дейін техникасын сайлап, жерін сүдігерлеп үлгерген жалағаштық шаруашылықтар да өткен аптада дән себу жұмыстарын бастап кетті. Былтыр рекордтық өнімге қол жеткізген жерлестер биыл да сала қорытындысы бойынша көш бастауға ниеттеніп отыр.

Өткен жылы Сыр салысынан тау тұр­ғызған «Сәрке батыр» ЖШС-на қа­расты егін алқабында қазір қайнаған жұмыс. Былтыр межелі өнімге қол жет­кізген шаруашылыққа қарасты еңбек адамдарының ширақ қи­мылынан олардың алдағы күзді де жақсы жетістікпен қорытындылайтынына сенім артасың. 150-ге жуық адамды жұмыспен қамтып отырған шаруашылық биыл 1450 гектар алқапқа күріш егуді жоспарлап отыр.

Былтыр 230 гектар яньтар, 1220 гектар алқапқа лидер сұрпын сеп­кен батыр атындағы шаруа­шылық күзде гектарынан 57 центнерден өнім алды. Се­рік­­тестік төрағасы Қанат Де­месінов биыл да ме­же­леген өнім­ге қол жеткізуге мемле­­кет­тік қолдаулар үлкен демеу бо­латынын айтады.

– Өткен жылға өкпе жоқ, был­тырғы науқанды жақсы жетістікпен қорытындыладық. Гек­тарынан 60 центнерге жуық өнім алу – біз үшін үлкен же­тістік. Қазір шаруашылық түрлі заманауи техникалармен жаб­дықталып жатыр. Бұйыртса, биыл мұнан да үлкен жетістікке қол жеткізуге тырысамыз. Оның үстіне қазір Мемлекет ауыл шаруашылығы саласын ілге­рілетуге үлкен қолдау көр­сетіп жатыр. Мәселен, қай жылы осыған дейін бір жылда аталған салаға 200 млрд теңге қаражат бөлінді? Биылғы тө­­­тенше жағдай режимімен санаса отырып, мемлекет осындай ба­тыл қадамға барып отыр. Мұ­­нан бөлек «Қарапайым зат­­тар экономикасы» бағ­дар­ламасы аясында қосымша 70 млрд теңге қаралатынын естіп, қуанып жатырмыз. Жал­­­пы мемлекет тарапынан ауыл шаруашылығы сала­сы­на көрсетіліп жатқан қол­дау­­­­ларды айта берсеңіз, игі бас­­­­­тамалар көп. Бастысы мұ­ның бәрі өз жемісін беріп, ша­руа­шылықтардың шаруасы ширап жатыр. Мұндай үлкен қолдаулар біздің жұ­мы­сы­мыз­дың алға басуына оң әсерін тигізуде. Бұйыртса, биыл да Жалағаш үздіктер көшін бас­тайды, ал «Сәрке батыр» ЖШС ауданның аталған салада көш бастауына өз үлесін қосады, – дейді төраға.

Айта кетейік, аталған ша­руа­шылық осыған дейін ау­дан­дағы түрлі қайы­рым­ды­лық шаралардан шет қал­ған емес. Жағдайы төмен отба­сы­ларға, көпбалалы ана­лар мен ардагерлерге, мүм­кін­дігі шектеулі жандарға қол­ғабыс етуді серіктестік ұжы­­­­­мы дәстүрге айналдырған десе де болады. Сондай-ақ Ақ­су ауылындағы Әжелер ан­самбльіне бір жылда 500 мың теңгеге жуық қаржылай қолдау көрсеткен. Шаруашылық төра­ғасы мұндай игі шаралар биыл да жалғасын табатынын ай­тады.

Жалпы «Сәрке батыр» ЖШС-нда бұрынғыдай емес, еңбек адамдарының жұ­мы­сы оңтайланған. Төраға мұ­ның бәріне шаруашылық ба­за­­­­­­­­­сындағы техникалардың жа­­­­­­­ңа­руы сеп болғанын жет­кіз­­­­­­­ді. Негізінен серіктестік ба­­за­сының заманауи техни­ка­лар­­­­­мен толығуы тек еңбек адам­­­­­­­­дарының жұмысын ғана же­ңіл­детіп қоймай, өнім көлемі мен сапасына да оң әсерін ти­­гізіп жатыр. Былтыр аталған шаруашылық базасы «МТЗ – 80» тракторы және жер тегіс­тейтін жаңа техникамен толықса, биыл да екі соңғы үлгідегі ауыл шаруашылығы тех­никасы сатып алынды. Қанат Демесінов алдағы уа­қытта да техникаларды жа­ңалау жұмыстары жалғасаты­нын айтады.