ЖАЛАҒАШ АУДАНЫ: ҰЛЫ ОТАН СОҒЫСЫ ЖЫЛДАРЫНДА
Ұлы Отан соғысы жылдарында бейбіт күн мен жеңіс үшін кеудесін оққа тосқан қазақ жауынгерлерінің майдан даласындағы ерлігі бүгінгі ұрпақ үшін ұмытылмайтын тарих. Екінші дүниежүзілік соғыс әлем тарихындағы адам шығыны жағынан да ең үлкен соғыс болды. Біздің ауданда да майдан шебінде жауға тойтарыс беруге атсалысқан соғыс ардагерлері бар. бірақ бүгінде олардың қатары сиреді.
1941–1945 ж.ж. Ұлы Отан соғысына Қызылорда облысынан барлығы 45883 адам аттанса, Жалағаш ауданынан Қызыл Армия қатарына 2630 адам алынды. 850 жалағаштық майдан даласында ерлікпен қаза тапса, 526 кісі хабар-ошарсыз кетті.
1945 жылдың 18 мамырына дейін Жалағаш ауданында барлығы 14837 кісі тұрды. 1945 жылғы аудандағы халық саны 1941 жылғы көрсеткішпен салыстырғанда 4579 адамға кеміген. 1945 жылы колхоздарда өмір сүріп жатқан отбасы саны–2959.
