Биылғы ҰБТ сынағы бұрынғыдан өзгешелеу өтеді. Пандемияға байланысты шектеулер болады, сонымен бірге мектеп бітіруші түлектерге жеңілдіктер жасалатын сияқты. Әрине, бұл шектеулер мен жеңілдіктер баланың келешегіне немқұрайлы қарау емес, керісінше, олардың денсаулығына, бас амандығына алаңдағаннан қабылданып отырған оңтайлы шешім деп түсінгеніміз жөн.

Мәселен, биылғы ҰБТ сынағы жыл­дағыдай көпшілік түрде өтпейді. Яғни ба­лаларына ата-аналарының еріп келіп, тест тапсыру орта­лығының айналасына шоғырлануға шектеу қойыл­ды. Алайда ау­дандық білім бөлімі тара­пынан әлеуметтік желідегі ата-аналардың чаттарына сілтеме жіберіледі және емтихан уақы­тында әрбір ата-ана сол сілтеме арқылы онлайн түрде тікелей байланысқа қосылуға мүмкіндігі бар. Сынақ тапсыру сәтінде де түлек­тердің қауіпсіздігі басты назарда болады. Емтиханға кіретін түлектер бес саты бойынша залалсыздандырылады. Ең ал­дымен олар арақашықтығы 2 метр бо­латын ленталардың бойымен бір-бі­реу­ден оқшауланып өтеді, содан соң жа­бық тоннельден өтіп, үстерін толық за­лал­­сыздандырады, одан кейін ылғалды кі­лемшелер арқылы аяқ киімдерінің табан­дарын сүртеді, төртінші кезеңде сырт­тан киіп келген маскасын арнайы қоқыс жәшігіне тастап, жаңасын ауыстырады, соңғы сатыда арнайы сұйықтықпен қол­дарын жуады. Аудитория ішінде де арақашықтыққа баса мән беріледі және бұл қауіпсіздік ережелері қатаң тәртіп негізінде жүргізіледі.

Сондай-ақ биыл республика бойынша ҰБТ сынағын тапсырушыларға элек­трон­ды есеп­тегіш құрал (калькулятор) пай­далануға рұқсат беріледі және Ұлттық тест орталығынан арнайы келген ол калькуляторлар алдын ала тест тап­сырушылардың парталарына бекі­тіледі. Сосын тағы бір өзегешелік, биыл тест тапсыру межесіне 10 минут уақыт қо­сылады. Бұл – оқу жылының соңында 4-тоқсан бойы қашықтан оқып, кейбір оқу бағдарламаларын толықтай меңгере алмаған оқушыларға жасалып отырған жеңілдік. Алайда, соған орай түлектерге деген басқаша талаптар қатая түспек. Мә­селен, биыл тест тапсырушыны кіре берістен тексергенде қалта­сынан, қойын-қонышынан шпаргалка, ұя­лы телефон табылса, ол емтиханнан шет­тетіледі. Яғни сынаққа мүлдем қатыс­тырылмайды және қанша уақыттан бергі дайындығы жоққа шығарылады. Аудиторияда осындай жағ­дай орын алса да тест тапсырушыға бұрын­­ғыдай ескерту жасалып, жалғас­тыруға мүм­кіндік берілмейді. Сондық­тан бұл сынақ тыңғылықты дайын­дықты талап етеді.

Биыл мектеп бітірген 271 баланың 232-сі ҰБТ сынағына қатысады деп күтілуде.