Жалағаштың индустриялық аймағындағы “Өркен-Әлем” ЖШС өз өнімдерінің көлемін ұлғайтып отыр. Бұл тігін цехында өндірілген өнімге соңғы жылдары сұраныстың артқанын аңғартады.

Қазіргі таңда серіктестік ұжымы оқ өтпейін кеудеше өндірісін ұлғайтып отыр. Мұндағы ісмер жандардың қо­лынан шыққан Бронежабдықтар Қазақ­стан­ның түкпір-түкпіріндегі Қорға­ныс министрлігіне қарасты әскери бө­­­лімдерге жіберіледі. 38 миллион тең­ге­нің қондырғылары орнатылған цех­та бүгінде 55 адам жұмыс жасайды. Олар­­­дың барлығы – жұмыспен қамту ор­та­лығы арқылы қайта даярланған ма­мандар.

2017 жылы жұмысын бастаған кә­сіпорын жылына 15 мың дана оқ өт­пейтін дулыға, 12 мың дана кеудеше тігуге қауқарлы. Одан бөлек сапер-сар­баздарды снаряд жарықшағынан қор­ғайтын тұтастай жабық киімдер мен құрылыс каскаларын шығарады. Мұнда шикізаттың басым бөлігі Ресейден та­сымалданады.

Аталған серіктестік алдағы уақытта әлі де өнім түрлерін көбейтуді жоспарлап отыр. “Өркен-Әлем” ЖШС директоры Жақ­сылық Өзденбаев пандемия кезінде де мұнда ауқымды жұмыстың жүзеге асқа­нын айтады.

– Үнемдеу жарық шамдарын құрас­тыру жобамызда бар. Құқық қорғау ор­гандарының шлемдері басқаша болады. Соған шлем дайындауға пресс әкеліп, құрылыс бастап дайындап қойдық. Осы қазанның басында келу керек. Пандемия кезінде біз тоқтаған жоқпыз. Қайта халықпен бірге болайық деп бізге шикізат келмей тұрғанда өзіміз 20 мың бетперде тігіп, халыққа тегін тараттық, – дейді Ж.Өзденбаев.

Кешегі төтенше жағдай режимі кезінде “Біз біргеміз” деген ұранмен халыққа қолқабыс еткен серіктестік ұжымы коронавирусты ауыздықтауға өз үлестерін қосты. 20 мың бетперде өндіріп, оны халыққа тегін үлестірді.