Сырдарияда суға батып кеткен екінші баланың денесі іздестіріліп жатыр
Бүгін Қызылорда қаласына қарасты Тасбөгет кентінде екі бала дарияға суға түсуге барған. Алайда, суға шомылудың соңы қайғылы жайтпен аяқталды, деп хабарлайды Egemen.kz
«Олардың бірінің денесі сол маңда балық аулап жүрген азаматтың күшімен жағаға шығарылды. Ол бала 2008 жылы дүниеге келген жасөспірім екені анықталды. Екіншісінің денесі Төтенше жағдайлар департаменті құтқарушыларының күшімен іздестіріліп жатыр», деп мәлім етті облыстық Төтенше жағдайлар департаменті өрт сөндіру және авариялық құтқару жұмыстары қызметінен.
