Қазақстанда қызметкерлерге шамадан тыс жұмыс жасатқаны үшін жұмыс берушілерге айыппұл салынады
Мәжіліс депутаттары "Қазақстан Республикасының әкімшілік құқық бұзушылық туралы кодексіне өзгерістер мен толықтырулар енгізу туралы" заң жобасын бірінші оқылымда мақұлдады. Заң қызметкер жұмыс уақытынан артық жұмыс жасағаны үшін тараптарды жауапқа тартуды қарастырады, деп хабарлайды Stan.kz ақпарат агенттігі.
Мәжіліс депутаты Гүлнәр Бижанова заң жобасы екі тарапқа да пайдалы болатынын айтты.
"Тараптар жалдамалы еңбектің заңды құқықтары мен мүдделерін сақтамағаны үшін әкімшілік жауапкершілікті қарастыру ұсынылды. Сонымен қатар, жұмысшылардың қалыпты және қысқартылған жұмыс уақытын және күнделікті жұмыс уақытын заңсыз арттырғаны үшін әкімшілік жауапкершілікті белгілеу ұсынылды", - деді мәжілісмендер.
