Демалыс күндері ауа райы қандай болады?
Қазгидромет 19-21 наурыз аралығында ауа райы қандай болатынын болжады.Синоптиктердің болжамына сәйкес, 19-20 наурызда ел аумағының басым бөлігі солтүстік-батыс антициклон жотасының ықпалында болады, соған байланысты аяз болады, жауын-шашын жаумайды.
Алайда 20 наурызда солтүстік, солтүстік-батыс аймақтарда, 21 наурызда республиканың көп бөлігінде ауа температурасы көтеріледі және ауа райы нашарлайды – қар жауады, оңтүстік және оңтүстік-шығыста қар аралас жаңбыр жауады, жел күшейіп, боран болады. Республика бойынша тұман түседі.
