Қазақстандық астық пен ұн экспортталмайтын болды

Қазақстанда 15 сәуірден бастап астық пен ұн экспортына шектеу қойылады. Бұл туралы ҚР Ауыл шаруашылығы бірінші вице-министрі Айдарбек Сапаров мәлімдеді, деп хабарлайды Egemen.kz.

АШМ бірінші вице-министрі Қазақстан жыл сайын шамамен 3 млн тонна ұн өндіретінін, бірақ бұл көлемнің жартысы экспортқа жіберілетінін атап өтті.

«Ішкі нарықта тапшылықтың туындауын және ұн тарту кәсіпорындарының жүктелуін болдырмау мақсатында ведомствоаралық комиссия 2022 жылғы 1 сәуірден бастап 15 сәуір мен 15 маусым аралығында бидай мен ұн экспортына квоталауды енгізу туралы шешім қабылдады», деді Айдарбек Сапаров.