» » Жалпыхалықтық референдумды кәсіпкерлер қолдайды

Жалпыхалықтық референдумды кәсіпкерлер қолдайды

Бүгін алдағы айдың басында өтетін жалпыхалықтық референдумға байланысты аудандық қоғамдық штаб мүшелері жергілікті кәсіпкерлермен жүздесіп, референдумның тұтас қазақ жұртының болашағы үшін маңыздылығын түсіндірді. Алдымен аудандық қоғамдық штаб төрағасы Кенжеғара Сүлейменов бұл саяси науқанның ел болашағына оң әсерін тигізетінін тілге тиек етіп, оған дауыс беруге шақырды.

– Мемлекеттің болашағына бей-жай қарамайтын кез келген қазақстандық жалпыхалықтық референдумның маңызын түсінуі керек. Ел болашағы үшін конституциялық реформа жасау қажеттігін Президентіміздің өзі де айтты. Біз конс­титуциялық реформаның шешуші ке­зеңіне қадам басып жатқанымызды түсінуіміз керек. Шын мәнінде, мұның ел тағдыры үшін айрықша мәні бар. Сондықтан маусым айының басында өтетін жалпыхалықтық референдумға дауыс беруге шақырамын, – деді Кенжеғара Сүлейменов.

Айта кетейік, саяси науқан алдағы айдың 5-і күні өтеді. Жалпыхалықтық референдумда Ата заң баптарының үштен бірі өзге­реді. Яғни Конституциямыз мүлде жаңа сипатқа ие болғалы тұр. Ол үшін әрине, алдымен халықтың қолдауы керек.

Кездесуде жергілікті кәсіпкерлер бұл саяси науқанның расында ел болашағы үшін аса маңызды екенін түсінетінін жеткізіп, алдағы саяси науқанға қатысуда белсенділік танытатынын жеткізді. Дәл осындай жүздесулер аудан орталығындағы бірқатар сауда орындарында жалғасын тапты.

«ЖЖ» ақпарат
19 мамыр 2022 ж. 505 0