Қостанай облысында өткен жалпы білім беретін пәндер бойынша республикалық олимпиадаға қатысқан №31 орта мектеп-гимназиясының 10-сынып оқушысы Братислав Сетраков күміс жүлдені жеңіп алды.
Білім бәйгесінде топ жарған Братислав қазақ тілі мен әдебиеті бойынша ІІ орынды иеленіп, ҚР Білім және ғылым министрі Е.Сағадиевтің «Дипломымен» марапатталды.
– Братислав қазақ тілін жетік меңгерген. Бұған дейін де республикалық, аймақтық олимпиадалардың жеңімпазы атанды. Ал­дағы уақытта да мемлекеттік тіл ме­рейін асқақтатар осындай байқауларға оқу­шыларды қатыстыруды көздеп отырмыз, – дейді жас өренге жетекшілік жасаған пән мұғалімі Тоты Базарбайқызы.
Айта кетейік, соңғы жылдары №31 мектеп-гимназиясының оқушылары елі­міз­дің барлық аймақтарында ұйым­дас­тырылатын білім бәйгелеріне қатысып, жеңіспен оралып жүр. Ұлты орыс болса да, қазақ тілін жетік меңгерген Б.Сетраков енді алтын медальға қол жеткізуді көздеп отыр. Талапты жасқа біз де сәттілік тілейміз.