Қатты дауыл соғады: Қазақстанның үш облысында дабылды ескерту жарияланды

18 мамырда еліміздің кей өңірінде қатты дауыл соғады деп болжануда.

«Қазгидромет» мәліметінше, 18 мамырда Ақмола облысында желдің жылдамдығы 15-20 м/с, кей жерлерде 25 м/с болуы мүмкін.
Кей жерлерде тұман болып, найзағай ойнайды. Елордада жел екпіні 15-20 м/с болады дейді мамандар.
Ал, солтүстікте күндіз солтүстіктен соққан желдің жылдамдығы 15-20, екпіні 23-28 м/с болады.
Петропавлда күндіз жылдамдығы 15-20, екпіні 25 м/с болатын жел соғады. Қостанай облысының бұршақ жауып, тұманды болады. Мұнда желдің жылдамдығы 15-20 м/с жетеді деп болжанды.


http://stan.kz