Ертең қай өңірлерде бұршақ жауады?

23 шілде күні Астана және Ақмола облысы бойынша ауа райына байланысты ескерту жарияланады, деп хабарлайды ҚазАқпарат «Қазгидромет» РМК-на сілтеме жасап.23 шілде күні түнде және таңертең Астанаға тұман түседі. Күндіз күн күркіреп, бұршақ жаууы мүмкін, солтүстіктен, солтүстік-батыстан соққан желдің жылдамдығы секундына 15-20 метрге дейін жетеді.
Ақмола облысының кейбір аумақтарына түнде және таңертең тұман түсуі ықтимал. Жел алдымен солтүстіктен, артынша солтүстік-батыстан секундына 15-20 метр жылдамдықпен еседі. Күндіз күн күркіреп, бұршақ жаууы мүмкін. 
Дауыл тұру қаупі - 90-95%. Бұған дейін Ақтөбе облысында ауа райына байланысты ескерту жарияланған болатын.
inform.kz