Түркістан облысында қалталы азаматтар мешітке көлік сыйлады
Түркістан облысында қалталы азаматтар мешітке көлік сыйлады
Түркістан облысы Созақ ауданының орталығындағы "Шолаққорған" орталық мешітіне ауданның қалталы азаматтары тосын сый жасады деп хабарлайды өңірдегі NUR.KZ тілшісі.Намазға жиналған жамағат алдында кәсіпкер үш азамат мешіттің бас имамына су жаңа "Нива" автокөлігінің кілтін табыстады.
Бас имам жерлестерінің мұндай сыйын күтпеген болу керек, темір тұлпар кілтін алып тұрып ағынан жарылды.
"Осы уақытқа дейін мешітке қажетті қызмет көліктің шешімі табылмай келе жатқан болатын. Бүгінде көлік үлкен сұранысқа ие. Бұл мешітке емес, жүректерінде иманы бар мешіт жамағатына берілген сый деп қабылдаймыз. Еліміз аман, жұртымыз тыныш болсын! Мешіт жамағатының ауызбіршілігі арта берсін", - деді орталық мешіттің бас имамы.
NUR.KZ
