"Невада-Семей" қозғалысына биыл 29 жыл

Бүгін "Жалағаш ауданы жастар ресурстық орталығы" КММ және "Темірқазық" қоғамдық бірлестігі ұйымдастыруымен "Невада-Семей" ядролық сынақ зардаптарын жою жөніндегі қоғамдық қозғалысқа қатысқан ардагерлермен жастар кездесіп, ардагерлердің болашақ ұрпағы үшін қалай жұмыс жасағанын тыңдап ой түйіп қайтты. Алғаш болып Ерхан Бақбергенұлы жиналысқа қатысып отқан мекеме мамандарымен және қонақтармен таныстырып, Семейде орын алған ядролық жарылыстың зардаптары және қанша ядролық сынақ болғаны туралы мәлімет айтып өтті, әрі қарай "Невада-Семей" қозғалысына қатысқан ауданымыздың ардагері Қорғанбаев Жұматай баяндама жасап, ардагерлердің пікірін тыңдап. Аудандық емхана және Аудандық қорғаныс істері жөніндегі біріктірілген бөлімдерінен келген мамандарға ардагерлердің көкейінде жүрген сұрақтар қойылды. Жиын соңында арнайы дайындалған видеороликті тамашалап, ардагерлерге аудан әкімі орынбасарының арнайы алғыс хаттары табыс етілді.