Қала мерекесіне тарту
Биыл Қазақ елі елордамыз –Астананың 20 жылдығын атап өтіп, Еуразия жүрегінде орналасқан әсем қаланың мерейін күллі әлемге паш етті. Сондай-ақ, Алашқа ана атанған Сырдың бас қаласы – Қызылордаға 200 жыл толып отыр. Қос тойың қабат келсін деген осы шығар. Сыр жұртшылығы қос қаланың мерейтойын қатар өтіп, Қызылорданың 200 жылдығын мерекелеуде.
Мерейтой аясында әдеби, мәдени, спорттық бағыттағы түрлі шаралар өткізілуде. Аудандар тарту ретінде ауыл шаруашылығы өнімдерінің жәрмеңкесін ұйымдастыруды қолға алды.
Біз өз кезегінде аудандық ауыл шаруашылығы бөліміне хабарласып, жалағаштық жұрттың жәрмеңкеге қанша өнім алып баратынын білген едік.
Бөлім басшысы М.Қалниязовтың хабарлауынша, жәрмеңкеге апарылатын ауыл шаруашылығы өнімдерінің көлемі 119 тоннаны құрайды екен. Бұл үшін 56 көлік әзірленген көрінеді.
