Қарағандыда бие сүтінен балалар тағамы өндіріледі

Астана, BAQ.KZ. Қарағандыда 2019 жылы бие сүтінен балалар тағамын жасайтын жаңа зауыттың құрылысы басталады. Бұл туралы 24kz сайты хабарлайды.

Жоба құны – 3 миллиард теңге. Жылына шамамен 100 тонна өнім шығару жоспарда бар. Қазір саумалдың құрамы зерттеліп жатыр. Жетіспейтін дәрумендер Швейцариядан жеткізілмек. Жалпы, бұл компания осыдан үш жыл бұрын бие сүтінің құрғақ ұнтағын шығаруды қолға алған болатын. Қазір 20 тонна өндірсе, келешекте 120 тоннаға жеткізуді көздеп отыр.

Қазір ол өнімнің тең жартысы шет мемлекеттерге экспортталады. Ұнтақталған бие сүті бұдан бөлек азық-түлік, фармацевтика және опа-далап өнеркәсібінде де кеңінен қолданылады.

BAQ.KZ.