Дүйсенбіде Қазақстанның басым бөлігінде қар жауады

12 қарашада Қазақстанның барлық аумағында қар жауады деп күтілуде. Ал оңтүстік-шығыс аймақта қар қатты жаууы ықтимал. Бұл туралы "Қазгидромет" РМК өкілдеріне сілтеме жасаған NUR.KZ хабарлайды.

Синоптиктердің болжамынша, кей аймақтарда тұман түсіп, көктайғақ болады. Жел көтеріліп, жаяу бұрқасын соғады деп күтілуде.
Солтүстік аймақтарда жел күшейіп, секундына 15-20 метрге жетеді. Көктайғақ пен жаяу бұрқасын соғуы мүмкін.
Шығыс аймақтарда тұман түсіп, желдің күші секундына 15-20 метрге жетуі ықтимал. Кей жерлерде жаяу бұрқасын соғуы мүмкін.
Оңтүстік пен оңтүстік-шығыс аймақтарда синоптиктер жауын-шашын, көктайғақ және күшті жел болады деп болжап отыр.
Батыс Қазақстанның Атырау облысында кей жерлерге тұман түсіп, жел күшейіп секундына 15-20 метрге жетеді. Дәл осындай ауа райы Маңғыстау облысында да күтілуде.

NUR.KZ