Қазақстан Республикасының уақытша президенті міндетін атқару жүктелген сенаттың бұрынғы төрағасы Қасым-Жомарт Тоқаев ант қабылдады, деп хабарлайды Stan.kz ақпарат агенттігі.

"Қазақстан халқына адал қызмет етуге, Қазақстан Республикасының Конституциясы мен заңдарын қатаң сақтауға, азаматтардың құқықтары мен бостандықтарына кепілдік беруге, Қазақстан Республикасы Президентінің өзіме жүктелген мәртебелі міндетін адал атқаруға салтанатты түрде ант етемін", - дейді Қасым-Жомарт Тоқаев.



Қасым-Жомарт Тоқаев 2019 жылдың 20 наурызынан бастап Қазақстанның президенті атанды.





Бүгін өтіп жатқан парламент палатасының бірлескен отырысына Қазақстанның Тұңғыш президенті Нұрсұлтан Назарбаев қатысуда.


Stan.kz