Танымал АҚШ режиссері Түркістан әкімінің шақыртуын қабыл алды
Голливуд режиссері Майкл Бэй Түркістан әкімі Рашид Аюповтың шақыртуын қабыл алды, деп хабарлайды Stan.kz ақпарат агенттігі.
Танымал американдық режиссер Instagram желісі арқылы әкіммен әңгімелесіп, нақты қай күні келуге болатынын сұрапты. Түркістан әкімі Бэйді "Наурыз" мейрамына қарсы 21 наурыз күнге шақырыпты.
"Түркістан келген кезде біздің халықтың қонақжайлығын көрсетеміз, Түркістан қаласында қандай халық тұратынын білетін болады. Егер тағы фильм түсіргісі келсе, қолымыздан келгенше көмегімізді аямаймыз", - дейді Рашид Аюпов.
Естеріңізге салайық, бұған дейін Түркістан әкімі жаңадан түсірілген фильмге наразы болып, АҚШ режиссеріне үндеу жариялаған еді.
