Осыдан бірнеше ай бұрын Төреғали Төреәлінің әріптестерінен қалмай фильм түсіріп жатқанын хабарлаған болатынбыз. Хитмен кино әлеміндегі тырнақалды туындысын өзінің өміріне арнаған деседі. Дегенмен де, Төрештің өзі киногерлердің көмегімен таспалап жатқан фильмі туралы ауыз ашқан емес, деп жазады Stan.kz ақпараттық агенттігі.

Әйтеуір атауына қарап, кино комедия жанрында болады деп топшылауда. Иә, “Ұлы дала баласының” алғашқы фильмі “Ұлы дала комедиясы” деп аталады.
Күні бүгін Төреғали аталған фильмнің саундтрегі мен бейнебаянын жарыққа шығарды. “Кино көрем” атты тректі Төреәлінің ұлы әріптесі Ғазизхан Шекербековпен бірге орындаған.
Клиптен алда жарыққа шығатын фильм кадрларын көруге болады. Айтпақшы, Төреғалидің фильмінде әнші әрі актриса Алтынай Жолдыбаеваның бой көрсететінін байқап қалдық.



Stan.kz