Алтынай Жорабаева 4 қызын спорт пен дұрыс тамақтануға баулып жүр
4 қыз тәрбиелеп отырған Алтынай Жорабаева бүгінде олардың тәрбиесіне баса мән береді. Қызғалдақтарының нәзік те сұлу болып өсуі үшін бәрін жасайды. Ол, тіпті бастауышты бітіріп үлгермеген қыздарын спорт пен дұрыс тамақтану режіміне баулып жүр.
Бұл туралы Stan.kz ақпараттық агенттігі “Астана” арнасының “Ел аузында” бағдарламасына сілтеме жасап хабарлайды.
“Бәріне айтамын, спортпен, бимен айналысу керек. Қыз баласы болғаннан кейін, дене бітіміне, түр-әлпетіне бәрі жарасып тұру керек. Толып кеткенін мен қаламаймын”, – дейді Жорабаева.
Қыздарының салмағын жіті қадағалайтын әнші олардың ас ішу рационын да бекітіп қойыпты.
“Тіпті, 9 жастағы Семанұрым фаст-фудты көп жеп кетсе, айтамын. – Жемеңдер, мынаны болмайды, – деп. Үлкен қызым да демалысқа ауылға барып келсе, кішкене 1-2 келі салмақ қосып келсе, бірден бетіне айтамын. Арықтау керек, жүгіру керек деген сияқты. Екінші қызым да: – Сенің ішің шығып кетті, деп бір-бірін кекетеді. Сондағысы арық-арық менің қыздарым. Кішкене ғана минус көрсе, мен оны беттеріне басып айтамын. Өздері де соны тез қолға алуға тырысады”, – дейді әнші.
Stan.kz
Пікір 2