Зарина Омарованың үстіндегі шүберектің бағасы бір пәтердің құнымен тең. Нақтырақ айтатын болсақ, әншінің бір ғана сырт киімі 7 миллион теңге тұрады екен. Заринаға мұндай сыйды өмірлік серігі сыйлаған.

Бұл туралы Stan.kz ақпараттық агенттігі “Алматы” арнасының “Әңгіме болсын” бағдарламасына сілтеме жасап хабарлайды.
“Ең қымбат сырт киім шығар. Біраз тұрады енді. Ұят болатын шығар, айтып қойсам”, – деп алғашқыда қымсынған Зарина ақырында гардеробындағы ең қымбат киімнің қанша тұратынын айтып қойды.
“Үлкен заттарды күйеуім алып береді. Сырт киім – тон дейді ғой, оның бағасы 7 миллион теңгедей болады. Енді ол нәрсе бір рет алынады. Оны біраз жылдар киемін”, – дейді Зарина.
Бұл орайда өнер иесі сахналық киімге қатысты әріптестері айта бермейтін бір құпияны ашып қойды.
“Негізінде мен бір киген киімді қайталап кимеймін. Бір құпияны ашып қояйын, уақыт өткеннен кейін халық ұмытады, содан кейін қайта киесің”, – дейді Зарина Омарова.

http://stan.kz