Димаш пен Данэлия қатысатын әлемдік байқауда қазақстандық актриса әділқазы болмақ
Қазақстандық актриса әрі продюсер Гаухар Нұртас The World’s Best байқауында Қазақстан атынан әділқазы ретінде төрелік етеді.
Байқауға әлемдік деңгейдегі өнерпаздар қатысады. Оның ішінде Димаш Құдайбергенов пен Данэлия Төлешова бар.
“The World’s Best байқауында біздер, әділқазылар, кімнің жеңімпаз екенін анықтаймыз. Мен Қазақстан атынан төрешімін. Еліміз атынан Димаш пен Данэлия бақ сынайды”, – дейді Гаухар Нұртас.
Шоу 3 ақпаннан бастап CBS арнасынан көрсетіледі. Оған әлемнің талантты қатысушылары – әншілер мен бишілер, цирк өнерпаздары, иллюзионистер қатысады.
Әділқазы алқасында актриса Дрю Бэрримор, тележүргізуші Ру Пол Андре Чарльз, әнші Фейт Хилл бар. Қатысушылар үш әділқазыны ғана емес, әр саладан құралған 50 сарапшының алдынан өтеді.
Stan.kz
