Осы аптада облыстық «Ақмешіт жастары» газетінің 5 жылдығы қарсаңында редакция ұжымы аудан жастарымен кездесті. Кездесуге аудандық жастар ресурстық орталығының өкілдері, кент, ауылдық оркугінің белсенді жастары мен жас мұғалімдер және газет оқырмандары қатысты.
Басқосуды өңірдегі «Жастар ресурстық орталығының» басшысы Ерхан Бақбергенұлы ашып, шараны жүргізіп отырды. Алдымен, «Ақмешіт жас­тары» газетінің бас редакторы Айжан Абдуллаева жастардың үніне айналған төл басылымның таралымы мен онда көтерілетін мәселелерден хабардар етті.
– Биыл газетімізге – 5 жыл толып отыр. Осы уақыт аралығында мазмұнды мақалалар жарияланып, түрлі айдарлар ашылып, өз оқырмандарының сүйікті басылымына айнала білді. Жас­тар шығармашылығын дамытуға, талантты жастарды жарыққа шығаруға және қоғамдағы мәселелерді көтеруге және шешілуіне өз үлесін қосып келеді. Әр жылды артқа тастап, оқырман санының артып келе жатқаны да газет мазмұнының артқанын білдірсе керек. Сонымен бірге, газет сайты мен басылым беттерінде түрлі шығармашылық байқаулар ұйымдастырылуда, – деді Айжан Жұмабекқызы.
Айта кетейік, қазіргі таңда облыстық "Ақмешіт жастары" газетінің ұйым­дас­тыруымен «Үздік жас мұғалім – 2018» байқауына жас мұғалімдерден шы­ғар­­машылық жұмыстар қабыл­да­ну­да. Конкурсқа қатысу үшін ұстаз өзі­­нің ин­новациялық білім беру техно­ло­гия­ларының бірін қолдана отырып, "Бі­лім берудегі мен ойлап тапқан әдіс" тақы­рыбында 3-4 минуттық бейнеролигін ұсынады. Бейнероликті мамыр айының 1-іне дейін редакцияға жіберуі тиіс екен. Бір ерекшелігі, конкурсқа келіп түскен материалдарды редакцияның арнайы комиссиясы іріктеп, жеңімпаздар басылым сайтында "дауыс беру" арқылы анықталады. Ең үздік деп танылған ұстаздар редакцияның арнайы мадақтау қағазымен және бағалы сыйлықтармен марапатталады.
Сонымен бірге, жастар арасында видеобайқау да ұйымдастырылып отыр. Байқаудың шарттары бойынша 1 минуттық вайн түсірсеңіз болғаны. Бірақ, вайнның ішіне міндетті түрде "Ақмешіт жастары» газеті көрсетілуі керек немесе айтылуы қажет. Байқау 31 мамырға дейін жалғаспақ. Жеңімпаздарды анықтау кезінде 1 орынға – 100000 теңге, 2 орынға – 70000 теңге және келесі жүлделі орынға – 50000 теңге қаржылай сыйлық үлестірілетін болады. Мұны айтқан басылым қызметкерлері жас­тарды байқауға қатысып, жүлдені жеңіп алуға шақырды.
Сондай-ақ, газет сайтының жұмысы және онда жарияланатын ақпараттардың мазмұны жөнінде газеттің жауапты хатшысы Ерхан Мұратұлы хабарлады.
– Сайт арқылы республикада, әлемде болған жаңалықтарды кеңінен насихаттап, оқырмандарға тың ақпараттарды ұсынып жүрміз. Күнделікті 5-7 мың оқырманымыз бар. Сайттың бір ерекшелігі де осында, – деді ол.
Кездесуде сөз алған «Жалағаш жаршысы» газетінің бас редакторы Нағымжан Сауяев аймақ жастарының сүйікті басылымы жөнінде пікір білдіріп, арнайы аудан жастарының ұсыныс-ойларымен бөлісуге келген редакция ұжымының сапарына сәттілік тіледі.
Шара соңында жастардың шығар­ма­шылығын арттыруға бағытталған ойындар ойнатылып, жеңімпаздарға сый-сия­пат көрсетілді.