Жапонияның «Japan Display» компаниясы адамның көңіл-күйін басқара алатын құрылғы жасап шығарды. Күйтабақ құрылғысына ұқсайтын девайстан бір уақытта ән тыңдап, дөңгелек дисплей арқылы сурет қарауға болады. Керек десеңіз, сурет пен орындалған әнге қатысты иіс те шығара алады екен. Құрылғының сыртқы корпусы ағаштан жасалған.
Құрастырушылардың айтуынша, Multi Sensory Device XVG-01 деп аталатын бұл құрылғы ғимарат ішінде отыратын адамдардың көңіл-күйін көтеруге көмектеседі. XVG-01 биылғы жылдың соңында Жапонияда қолданысқа енеді деп жоспарланған. Ал сырт мемлекеттерге қашан экспортталатыны әлі белгісіз.