ЖАС АҚЫНДАР ҰЛЫ АҚЫНДЫ ЖЫРЫНА АРҚАУ ЕТТІ
Ш.Ермағанбетова атындағы №246 орта мектеп кітапханасында Абай Құнанбайұлының 175 жылдығына орай «Абай деп соғар жүрегім» атты 8-10 сынып оқушылары арасында жас ақындар мүшәйрасы өтті. Жас ақындар мүшайрасына 8-10 сынып оқушыларынан 12 талапкер қатысып, ұлы Абайға арнаған арнау өлеңдерін оқыды.
Қатысушылар өз шығармаларына мерейтой иесінің өнегелі өмір жолын арқау етті. Қазылар алқасының мүшелері барлық қатысушылар мен көрерменге Абай мұраларын насихаттауды жұмыла қолға алу қажеттігін жеткізді.
Жас ақындар мүшәйрасында жеңімпаз атанған 9 "Ә" сынып оқушысы Жаханша Гүлфайруз, 8 "Ә" сынып оқушысы Қайрат Ұлжан, 8 "А" сынып оқушысы Айшықхан Балнұр мектеп әкімшілігінің мақтау қағаздарымен марапатталды.
