Біз бұл індетті де жеңеміз

Мемлекет басшысы Қасым-Жомарт Тоқаев республикалық телеарналар арқылы тікелей эфирде барша қазақстандықтарға Үндеу жасап, көптеген отбасының қара жамылып, қайғы жұтуына байланысты 13 шілде – Жалпыұлттық аза тұту күні болып белгіленгенін мәлімдеген еді. Салтымызда өліге құрмет – тіріге міндет. Індеттен қаза тапқандардың туыстары мен жақындарына орны толмас қайғыларына ортақтасып, көңіл айтамын. Енді ешқашан мұндай қаралы күн болмасын! Еліміз аман, жұртымыз тыныш болсын!

Біз бұл қиындықтан да шығамыз. Сондықтан қазақта «сақтықта қорлық жоқ» деген жақсы сөз бар. Әзірге жиын-тойды доғарып, үйде болғанымыз жөн. Бұл аурудан сақтанудың ең төте жолы – оны таратпау. Қалай десек те бұл – халық басына төнген қауіп. Медицина мамандарының кеңесіне құлақ асып, барынша сақтық шараларын ұстанып жүргеніміз абзал.

Біржан КӨШТАЕВ,

Кент ардагерлер кеңесінің төрағасы