ЕЛБАСЫ ЖОЛДАУЫ ТАЛҚЫЛАНДЫ

Қазақстан Республикасының Президенті Н.Ə.Назарбаевтың 2018 жылғы 10 қаңтардағы "Төртінші өнеркәсіптік революция жағдайындағы дамудың жаңа мүмкіндіктері" атты Қазақстан халқына жолдауын түсіндіру мақсатында "Жалағаш аудандық жастар ресурстық орталығы" КММ-нің және Амбулаториялық-емханалық қызметі бар Жалағаш аудандық орталық ауруханасының ұйымдастыруымен ауруxана ұжымымен кездесу болып өтті.

Кездесу барысында Амбулаториялық-емханалық қызметі бар Жалағаш аудандық орталық ауруханасы бас дəрігерінің орынбасары И.Орынбасарова мен медициналық статист Е.Жақсылық жолдауға байланысты Денсаулық саласында атқарылатын жұмыс бағыттары бойынша өз баяндамаларымен таныстырып өтті. Кездесуді қорытындылаған "Жалағаш аудандық жастар ресурстық орталығы" КММ-нің бөлім басшысы А.Қожамұратов жолдауға байланысты айқындалған межелер бойынша талқылау жұмыстарын жүргізіп, аурухана ұжымын алдағы уақыттарда өткізілетін шараларды бірлесіп өткізуге, жəне аудан абыройын асқақтатуға шақырды.