Астаналық суретші Дмитрий Левочкиннің граффитиі әлемдегі үздік туындылар қатарына кірді.

Бұл туралы Астанадағы Сарыарқа ауданының әкімі Арман Тұрлыбек Facebook парақшасында жазды.
«Біздің граффитиіміздің бірі Инстаграмдағы @urbanfestastana байқауда үздіктер қатарында. Стрит-арт жөніндегі байқауды әлемдегі танымал басылымның бірі ұйымдастырған», – деп жазды Арман Тұрлыбек.
Граффити “Urban Art Astana” байқауы үшін арнайы жасалды.
Дмитрий Левочкин Қазақстанның дәстүрі мен тарихына басымдық салды. Суретші оптикалық графиканы фон ретінде пайдаланып, 3D-де авторлық жобаларды жасайды. Туындының өзі қала орталықтарында алтын не хром түсті мүсінде, үлкен көлемде тұр. Бұл жолы автор Төре тұқымынан шыққан Шыңғыс образын жасады.


Stan.kz