Бүгін Қорқыт Ата атындағы ҚМУ-нің Студенттер сарайында "Қыз-келіншектердің қоғамдағы ролі" тақырыбында республикалық форум өтті.
Форум қонақтары ҚР ҚДМ ҚКК Дін мәселелері жөніндегі ғылыми-зерттеу және талдау орталығының директоры, РАТТ мүшесі А.Әбдірәсілқызы, "Нұр-Мүбарак" Египет ислам мәдениеті университетінің профессоры, PhD докторы, РАТТ мүшесі Ш.Әділбаева, ҚМДБ-ның Қызылорда облысы бойынша өкілі Б.Абуов, облыстық ішкі саясат басқармасының басшысы Т.Маханов, Жамбыл облысы әкімдігінің "Оңалту орталығы" КММ директоры А.Сембекова, Қорқыт Ата атындағы ҚМУ жанындағы "Қыз Жібек" қыздар клубының жетекшісі, АТТ мүшесі Н.Аймаханова жәнк облыстық "Әйелдер-қыздар" секторының жетекшісі Л.Сыдықова студент жастарға және мешіт ұстаздары мен шәкірттеріне "қоғамдағы әйел ролі", "исламдағы әйел дәрежесі", "қазақ қызына тән көркемділік", "қыз баланың тәрбиесі", "ұлттық тәрбие мектебі" тақырыптары төңірегінде баяндама жасап, қазіргі кезеңдегі өзекті мәселелерді талқылады. 
Сыр сұлуларымен өткен сұхбат соңында форум қатысушылары түрлі сұрақтарға жауап іздеп, өзара ұсыныс-пікірлерін білдірді.
Бұдан кейін Сыр өңірінде елеулі үлес қосып жүрген ханымдарға басқарма басшысы Т.Маханов атынан тағайындалған алғыстар табысталды.

ҚМДБ-ның Қызылорда облысы бойынша өкілдігінің баспасөз қызметі