Бүгiн ЭКСПО-2017 көрме кешеніндегі «Нұр Әлем» павильонында «Тәуелсіздік ұрпақтары» тақырыбында Жастар жылының ашылу салтанаты өтті. Іс-шараға Мемлекет басшысы Н.Ə.Назарбаев қатысты.
Жалынды жастардың бүгінгі тыныс-тіршілігімен танысқан Мемлекет басшысы өз сөзінде Қазақ елінің кешегі тарихы мен бүгінгі жеткен жетістіктерін атап өтіп, тәуелсіз Қазақстан тарихындағы ең басты жетістік – жастар екенін айтты. Сонымен қатар, Елбасы халық саны миллионнан асатын 3 мегаполис - Астана, Алматы және Шымкент қалаларында жылына 1000 пәтер салуды тапсырды. Олар, негізінен, жұмысшы жастарға арналмақ. Осылайша, баспанасыз жүрген жас мамандардың мәселесі алдағы уақытта бірте-бірте шешімін таппақ.
Қазақстан жастары, осылайша елімізде мемлекеттік жастар саясатын жан-жақты қолдау мен жүзеге асыруға бағытталған ауқымды іс-қимыл жоспарын іске асыру бастау алды. Барлығымыз бiрге, ұтас "Бiр үйдiң баласындай" еселі еңбек етейiк.

Айзада Данабеккызы,
№31 мектеп-гимназиясының мұғалімі.