Жапон өнертапқыштары ұшатын рюкзак жасап шығарды

Токио университетінің студенттері адамның әуеге қарғуына мүмкіндік беретін ерекше рюкзак ойлап тапты, деп хабарлайды Baq.kz ақпарат агенттігі Mashable-ге сілтеме жасап.

Lunavity рюкзагы энтузиасттардың гравитациямен күрес құралы іспетті.
Құрастырушылардың айтуынша, рюкзакты пайдаланушылар жерден серпін арқылы көтеріліп, Айда жүргендей күй кешеді.
Аппарат 10 бұрамадан құралған. Ол датчиктерден белгі алған уақытта жұмыс істей бастайды. Датчиктер өз кезегінде рюкзак иесінің аяғындағы қозғалысқа қарай әрекет етеді. Адам аяқ буындарын бүгіп, қайтадан жазған уақытта Lunavity оны жоғары қарай көтереді.
Өнертапқыштар атап өткендей, бұл құрылғы адамдардың өзі секіргенінен үш есе жоғары секіруге мүмкіндік береді.



Baq.kz