105 жастағы британ азаматы әлемдегі ең кәрі өрмелеуші атанды
Ұлыбритания азаматы Джек Рейнольдс тік қабырғадан жіппен жылдам түсу бойынша әлемдегі ең қарт адам атанды.
Бұл туралы Metro басылымына сілтеме жасап Stan.kz хабарлайды.«Біз оны жасай ала ма жоқ па деп, тексеріп көргіміз келген. Ол болса мұны үш рет қайталады. Тік қабырғадан жіппен түскен ең кәрі адам шынымен де менің әкем бе жоқ па білмей тұрмын»,- деп Джек Рейнольдстің 57 жастағы қызы Джейн Гудвин таңқалысын жасырмады.
Джек Рейнольдс экстремалды спорт түрлерімен жасы 100-ге келгенде шұғылдана бастаған. Ол 2017 жылы егде жасына қарамастан Америка горкасында ұшқан жалғыз адам болып Гиннестің рекордтар кітабына енген. Сонымен қатар, ол ескі бипланда ұшып және Ice Bucket Challenge байқауына қатысып мұзды суға да шомылған. Өзінің 104 жасқа келген мерейтойында Джек Рейнольдс туған күні мен «Джеко» деген жазуы бар татуировка жасатып алған.
Қызы әкесінің әр таң сайын шайына, ал кешке сусынына виски қосып ішетінін атап өтті.
«Егер үйде біреу суықтап немесе басқа жері ауырып қалатын болса, ол бізге дереу виски береді. Виски әкемнің дәрісі»,- дейді қызы Гудвин.
