Саябақта ел қатарлы қоқыс жинаған президентке жұрт сүйсінді

Украинаның Днепр қаласында саябақты тазартуға көмектескен Эстония президенті көпті таңғалдырды. Бұл туралы Oxu.Az сайтына сілтеме жасаған NUR.KZ порталы хабарлайды.
Президент Керсти Кальюлайд өзінің қоқыс жинағаны туралы Facebook парақшасында жазыпты. Айтуынша, ол "Әлемдік тазалық күніне" өз үлесін қосқысы келген.
Сондай-ақ мемлекет басшысы сөз арасында табиғатты аялаудың, қоршаған ортаны таза ұстаудың маңыздылығын айтып, барша жұртты әлемді әдемі етуге шақырған.