Бір жылда 500 кітап оқиды: 5 жасар баланың сауалнамасы жұртты қайран қалдырды
Желі қолданушылары қытайлық 5 жасар баланың түйіндемесін көріп, күлкіге қарық болып, кейбірі қайран қалды. Оны баланың ата-анасы жазып берген болуы мүмкін.
Бұл туралы The Daily Mail басылымына сілтеме жасап Stan.kz хабарлайды.
15 беттік құжатта баланың ерекше тұлға екені, мінезі салмақты, өмірлік тәжірибесі мол екені жазылған. Түйіндемеге қарағанда, бала қытай тіліндегі 100 тақпақты жатқа біледі, бір жылда 500 ағылшын тіліндегі кітап оқиды, дәрігерге қаралуға барғанда ешқашан жыламайды және зертханалық тәжірибелер жүргізгенді жақсы көреді. Сонымен қатар ол 1,5 мың қытайлық иероглифті ажырата алады және ағылшын тілінде күнделік жүргізеді екен.
Журналистердің болжамынша, балаға сауалнаманың ата-анасы толтырып берген. Бұл оны ең үздік халықаралық мектепке орналастыру үшін жасалған болуы мүмкін. Дәл осы себепті құжатта 5 жасар баланың көп саяхаттайтыны, спорттық жарыстарға қатысатыны және 2 жасар інісіне қамқорлық танытатыны атап өтілген.
Сондай-ақ, түйіндемеде баланың күнделікті жоспары көрсетілген. Бір аптаға құрылған күн тәртібінде күйсандықта ойнаудың 5 сабағы, логикалық ойлауды дамытудың 3 сабағы, 3 сабақ кешенді жаттығулар, иероглифтерді үйренудің 3 сабағы, математика бойынша 2 сабақ және спорттың барлық түрлері 2 реттен қамтылған. Баланың кестесіне қарағанды, ол демалыссыз дайындалатын көрінеді.
Сонымен қатар құжатта баланың әкесі бай әрі жомарт, анасы ақылды және өзіне сенімді, інісі сүйкімді екені көрсетілген. Оның ата-анасы Шанхайдағы беделді оқу орнын тәмамдаған екен. Қазіргі уақытта әлемдік ірі корпорацияларда топ-менеджер болып қызмет етеді.
Баланың сауалнамасы қытайлық Weibo әлеуметтік желісінде жарияланып, бірден үлкен танымалдыққа ие болды.
«Бірнеше рет өмір сүрсем де ол сияқты керемет бола алмас едім», – деп жазған желі қолданушыларының бірі.
Ал өзге қолданушылар демалыссыз дайындалатын баланы аяп, оның қаншалықты бақытты екенін сұрады.
Stan.kz
Пікір 1 694