Boeing жаңа супер ұшағын таныстырды

Американың Boeing корпорациясы ұшқышсыз басқарылатын барлау ұшағын таныстырды. Жаңа өнімнің концепті American Institute of Aeronautics and Astronautics SciTech 2018 конференциясында айтылды. Бұл турады Naked Science порталы жазды.

Жаңа аппарат сағатына 6200 км жылдамдықпен ұша алады. Компания оны АҚШ Қорғаныс министрлігі қаржы бөлген жағдайда әзірлеуге кірісе бастайды.
Ұшақтың осы үлгісінде стелс технологиясы кеңінен қолданылады. Бұл аппаратты одан сайын мықты ете түспек. Ұшқышсыз басқарылатын ұшақта екі двигатель бар. Тек мамандар әлі мұндай двигательді ешкім ойлап таппағанын айтуда. Сондай-ақ, жаңа модель Lockheed Martin компаниясының SR-72 ұшағына ұқсас.