Еңбек министрлігі сұранысқа ие 550 мамандықтың тізімін жасайды
Еңбек және халықты әлеуметтік қорғау министрлігі жұмыс берушілермен бірігіп, экономика саласындағы сұранысқа ие 550 мамандықтың тізімін жасамақ. Бұл туралы аталған ведомствоның басшысы Мәдина Әбілқасымова мәлім етті, деп хабарлайды Baq.kz тілшісі.
Еңбек және халықты әлеуметтік қорғау министрлігінің кеңейтілген алқа мәжілісінде министр қазақстандықтарды жаңа мамандықтарды меңгеруге дайын болу қажеттігін жеткізді.
Оның айтуынша, еңбек нарығындағы бұл процестер азаматтарға ауыр соқпас үшін қазірден бастап, кәсіптік білім беру жүйесін аталған процеске қарай ыңғайлай беру қажет.
Осы мақсатта енді еңбек нарығына қажетті 90 мыңнан астам жас азамат техникалық және кәсіби мамандықтар бойынша білім алады.
Оның айтуынша, еңбек нарығындағы бұл процестер азаматтарға ауыр соқпас үшін қазірден бастап, кәсіптік білім беру жүйесін аталған процеске қарай ыңғайлай беру қажет.
Осы мақсатта енді еңбек нарығына қажетті 90 мыңнан астам жас азамат техникалық және кәсіби мамандықтар бойынша білім алады.
«Қазіргі таңда жұмыс берушілермен бірігіп, экономика саласында сұранысқа қажетті 550 мамандықтың тізімін жасап жатырмыз», - деді Мәдина Әбілқасымова алқа мәжілісінде.
Аталған мамандықтар тізімі бойынша 2020 жылға дейін кәсіби стандарттары жасалады. Онда мамандардың нақты қандай дағдыдарларды меңгеретіні және олардың құзыреттілігі көрсетіледі.
