Оқушы жастармен кездесу өтті
"Дін мəселелерін зерттеу орталығы" КММ-нің Жалағаш аудандық бөлімшесі және аудандық білім бөлімі мен «Жалағаш аудандық жастар ресурстық орталығы» КММ-нің ұйымдастыруымен кенттегі З.Жарқынбаев атындағы №202 орта мектеп жəне Ш.Ермағанбетов атындағы №246 орта мектепте "Дәстүрлі емес жат ағымдар: олардың теріс идеологиясы" тақырыбында оқушы жастармен кездесу өткізілді. Кездесу барысында дін мəселелерін зерттеу орталығының теолог маманы А.Байқабылов қоғамға қарсы діни бағдар беретін сайттардан сақтану жайында ескертіп, қазіргі таңда қоғамда белең алып бара жатқан діни ахуалдар төңірегінде және дәстүрлі емес діни ағымдар туралы кеңінен мағлұмат берді. Ал «Жалағаш аудандық жастар ресурстық орталығы» КММ-нің бөлім басшысы А.Қожамұратов қазіргі таңда əлеуметтік желінің жастарға тигізер зардабы туралы ақпараттармен бөлісті.
