Отбасымдағы барлық әйелге жасадым: Дәрігер блефаропластиканың қазақстандық әйелдер арасында көп қолданылатынын айтты

Қазақстандық әйелдер блефаропластиканы қолданып жүр. Қабақты өзгерту отасы бүгінде тырнақты сәндеумен тең. Тек сәтсіз шығатын кездері де аз емес. 

Бұл туралы Stan.kz ақпарат агенттігі Евразия арнасына сілтеме жасап хабарлайды. 
Қазақстандық қыз желіде өзіне ота сәтсіз ота жасағанын айтып шағымданды. Ота кезінде көз қарашығы ауырғанын сезген. Алайда солай болуы тиіс пе деп ойлапты. Кейін көзі өзі ойлағандай болмай шықты. Алайда, дәрігер оның шағымына жауап беруден бас тартқан. 



"Сіз ота жасатар алдында дәрігерден лицензиясын сұраңыз. Өйтекені бұл операциялық  әрекет", - дейді заңгер Төлеген Балтанов.
Елордадағы осындай ота жасайтын емханада клиенттер жарты жыл бұрын жазылады. Ең жас клиенттің жасы 12-де болған. Анасы қызына жастайынан өзіне сенімді болу үшін ота жасатуды жөн деп шешкен. 
"Блефаропластика көп жағдайда адамның өмірін өзгертеді. Өзіне сенімді қылады. Менің туыс қарындасым ота жасатты. Екі айдан соң тұрмысқа шығып кетті. Осыны естіп, барлық әпкелерім ота жасатып, түрін өзгертті", - дейді медициналық орталықтың бас дәрігері Ришат Бигелдинов. 
Қазақстанда блефаропластика бағасы 200 мың теңгеден басталады. Арзхан баға үшін елге Европадан келетіндер бар. Тіпті жеңілдікпен 35 мың теңгеге жасатуға болады. Алайда, денсаулығыңызға зияны тиіп, нәтиже дұрыс болмай жатса, ешкім жауап бермейді. 



Жаннет Цой есімді клиент бұл отаны жасатқанына еш өкінбейді.
"Егер өзгерту керек болса, қорықпау керек. Менде өкініш жоқ. Ал, өзгерте алмасаң, өзіңді солай қабылдау керек",- дейді ол.


stan.kz