«Дәріханалардағы дәрілердің баға айырмашығы қазіргі кезде нарықтық жағдайға байланысты. Оны дәл қазір ешкім реттей алмайды. Әр зауыт өзінің шығынына қарай, өзінің бағасын қойып отыр. Бірақ 2019 жылдан бастап біркелкі жүйеге түседі», - деді Алданова.

«Бұл дәрілерге әке-шешенің егіз баласындай деп қарауға болады. Себебі, оның ішіндегі белсенді заттардың барлығы бірдей. «Оригинал» деп отырған дәрілердің зерттелуіне, шығарылуына көп уақыт және көп қаражат кетеді. Сол үшін бағасы да қымбат болады. Ол дайын болғаннан кейін заводтар, басқа елдер оның патентін сатып алады да, дайын түрде сата береді. Сол үшін олардың бағасы арзандау. Ол дәрілерден қорқудың қажеті жоқ. Олардың әсері бірдей. Бірақ, бізде сондай стереотип қалыптасып кеткен. Францияда шығарылған болса керемет деп, өзіміздікін менсінбей жатамыз. Негізінде олай емес, біздегі зауыттардың барлығы да тиісті өндірістік тәжірибенің негізінде жұмыс істейді»,- деп сөзін толықтырды «СК-Фармация» ЖШС амбулаториялық дәрі-дәрмекпен қамту бөлімінің бастығы Батыйхан Алданов.