«Сыбайлас жемқорлыққа жол жоқ»

Жуырда «Nur Otan» партиясы Жалағаш аудандық филиалы төрағасының бірінші орынбасары, аудандық мәслихат депутаты Қ.Мұстафаева, учаскелік полиция инспекторы М.Бекмұрзаев және «Қаракеткен ауылдық округі» БПҰ жетекшісі М.Жусуповалардың қатысуымен Қаракеткен ауылында дөңгелек үстел өтті.

Басқосуда «Сыбайлас жемқорлыққа жол жоқ» тақырынба ашық мәселелер көтерілді.

Жиында сыбайлас жемқорлықпен күресу әрбір қазақстандықтың міндеті екені, кеселдің алдын алуда жұмылған жұдырықтай атсалысудың маңызы зор екені айтылды.

Өскелең ұрпақты адалдыққа тәрбиелеу, еңбекқорлыққа баулу арқылы оларды осындай келеңсіз жағдайлардан тосуға болатыны талқыланды. Оқушылар да қоғам дертінің алдын алуда қалай тез әрі оң нәтижеге қол жеткізуге болатынын айтып, өз ойларын ортаға салды.