Теміртау қаласының әкімі қалаға жауған қардың  беті әп-сәтте қарайып кетуіне байланысты экология департаментіне хат жолдады, деп хабарлайды ҚазАқпарат.

Теміртау қаласы әкімінің баспасөз хатшысы Ольга Горячеваның айтуынша, қала басшысы экологтарға қара түсті қардың суретін жіберіп, мәселенің мән-жайын анықтауды сұрапты.
Теміртау әкімдігі осындай хатты экологтарға 2017 жылы да жіберген болатын. Аталған қаладағы ең ірі кәсіпорын «АрселорМиттал Теміртау» 2017-2019 жылдың жұмыс жоспарына 23 экологиялық жоба кіретіні туралы хабарлама таратқан еді.
Алайда әзірге байқалғаны ауаны сақтау бойынша 7 жоба, су ресурстарын қорғауға  байланысты 3 жоба ғана.
Сондай-ақ, компания аталмыш жобаларға жүздеген миллион  теңге жұмсап жатқанын айтады.