“Қадағалау” профилактикалық іс-шарасы өтті

ҚР ІІМ-нің 2014 жылғы 18 тамыздағы №517 бұйрығына сәйкес, Пробация қызметінің есебінде тұрған қоғамнан оқшаулауға байланысты емес жаза түрлеріне сотталғандар тарапынан жасалатын құқық бұзушылықтың және қылмыстың қайталануының алдын алу,мақсатында 2021 жылдың 17-22 мамыр аралығында Жалағаш ауданы бойынша «Қадағалау» профилактикалық іс-шарасы өтті.

Аталған профилактикалық іс-шараның басты міндеті Пробация қызметінің есебінде тұрған қоғамнан оқшаулауға байланысты емес жаза түрлеріне сотталғандар тұлғалардың тұрғылықты мекен-жайларын тексеру, олармен тәрбиелік-профилактикалық әңгіме-сұхбат жүргізу, материалдық-тұрмыстық жағдайларын тексеріп, әлеуметтік құқықтық көмек көрсету көлемін және пробация қызметі бақылауынан жалтарып жүрген сотталғандарды анықтау болып табылады.

Іс-шараға аудандық жергілікті полиция қызметімен пробация қызметкерлері және күнделікті полиция кешенді күштері тартылды.

Аталған іс-шара кезінде, Жалағаш аудандық пробация қызметінің есебінде тұрған мекен-жайымен жұмыс орны бойынша тексерулер бекітілген кестеге сәйкес, мекен-жайлары толық жүз пайыз тексеріліп, жаза тәртіп ережелерін бұзған сотты болған азаматтарға тәртіпті шара көрілді.

Е.АСҚАРОВ,
Жалағаш аудандық пробация қызметі аға инспекторы, әділет майоры