Өңірдің дамуы көш соңында емес. Қай салада болсын мүмкіндігіне қарай ілгерілеушілік байқалады. Әсіресе аудандағы жол жайы көңіл қуантарлықтай. Халықтың көкейінде жүрген мәселелер ескеріліп, автомобиль жолдары, елді мекенаралық жолдар жөндеуден өтуде. Кезең-кезеңімен жүзеге асып жатқан бұл жұмыстар биыл да жалғасын тапты. Тарқатайық...

Ел игілігіне істеліп жатқан жол жайы, жөндеу жұмыстары кезінде са­паға мән беру – бірінші кезектегі мәселе. Мердігер мекеменің жұмы­сымен танысқан аудан әкімі Асыл­бек Шаменов те ең бастысы жұ­мыс­тың сапалы әрі қауіпсіз болуы керек екенін атап өтті. Құрылыс ба­сына аялдаған аудан басшысы «Қызылорда-Жа­лағаш» авто­жо­лының жөндеу жұмыс­тарын көр­­ді. Байқағанымыздай қазір­гі таң­да 91 шақырым автожолды жөн­­деу жұмыстары басталып ке­тіп­ті. Жалағаш кенті мен Батыс Қы­тай-Батыс Еуропа автодәлізі ара­лығындағы 15 шақырым жер жөн­делу үстінде. «Қызылорда жол­да­ры» ЖШС мердігер мекемесі ат­қарылатын жұ­мыстың сапалы әрі қауіпсіз болуы үшін үлкен жа­уап­кер­шілікпен жұмыс істеуде. Айта ке­тейін, осы жұмыстар үшін биыл рес­пуб­ликалық бюджеттен 1,05 млрд теңге қаржы қаралған. Енді алғашқы ретте автожолдың нашар учаскелері жөн­деу­ден өтпек. Кейін аталған автожол рет-ретімен жаңа кейіпке енбек. Ал осы жұмыстарды аяқтау 2022 жылға жоспарланған. Жұмыс ба­сына барған аудан әкімі Асылбек Өмірбекұлы мердігер ме­ке­ме маман­дарымен азын-аулақ тіл­десіп, ел игі­лігі үшін істелетін әрбір істің сапалы бо­луы маңызды екенін айтты. Сондай-ақ жолаушылар қа­ты­найтын автожол еш кедергісіз, талапқа сай жөндеуден өтіп, жұмыс жоспарлы мерзімде аяқ­талуы тиіс екенін жеткізді. Иә, ра­сы­мен «Жол жөнделсе екен» деген жұрт­шылықтың тілегі орындалса, аудан әкімінің се­бепші болуымен осындай көкейде жүр­ген түйінді мәселелер ше­шімін тауып жатса, нұр үстіне нұр.

Айтпақшы былтыр да ау­данға қа­расты бірнеше бағыттағы жол жөн­­деуден өтіп, кенттегі Бұқарбай батыр, Абай және Нысанбай жырау көше­лерінің сапасы сын көтерердей жағ­дайға жетті. Сондай-ақ «Самара-Шымкент-Есет батыр-Жаңадария» ба­­ғытындағы автомобиль жолының 8 ша­қырымы жөнделді. Әсіресе осы ба­ғыттағы жолдың басым бөлігінің жөн­деуден өткені елді мекен тұр­ғын­дарына қуаныш сыйлады. Сонау Еңбек, Есет батыр, Жаңадария ауыл­да­рынан күн сайын қатынайтын қо­ғам­дық көліктердің жүрісі біршама же­ңілдеді. Жөндеуден өткен Есет батыр ауылы мен Еңбек ауылдық округін жалғайтын жолдың сапасын айтар болсақ, бұл жолдың қазіргі жағдайы мен бұрынғы ахуалының арасы жер мен көктей. Ой-шұқыры көп ауылға алып баратын жолдың мәселесі жо­лаушыларға айтарлықтай қиындық ту­дырғаны рас. Бірақ нәтижелі ең­бек­тің арқасында бұл мәселе де тү­бегейлі шешімін тапты. Ал биыл кен­тішілік бірнеше көшеге асфальт төселіп, кейбірінің ой-шұқыры те­гіс­­телді. Сонымен бірге атқарылар жұмыстар қа­тарында аудандық ма­ңызы бар ав­то­мобиль жолдарына да орташа жөндеу жұмыстары бар.

Өткен жылы «Жұмыспен қамтудың 2020-2021 жылдарға арналған жол картасы» аясында Жалағаш кен­тіндегі 6 көшенің орташа жөндеу жұ­мыс­та­ры­на республикалық бюджеттен 586 040,8 мың теңге бөлінді.

Айта ке­тейік, Қазыбек би кө­ше­сінің жөндеу жұ­мыстарына ау­дан­дық жұмыспен қам­ту орталығы ар­қылы 10 адам, ал Б.Сопбеков, А.Бисенов, А.Иманов, Әйтеке би, Сәр­ке батыр көшелерінің орташа жөн­деу жұмыстары кезінде 151 адам жұ­мыспен қамтылды.

Бұрын жол жайын сөз еткенде, жа­­лағаштық жұртшылықтың айтар «уә­жі» көп еді. Тіпті ауылдық жерлер мен аудан арасын жалғайтын жол­­дың сапасы алаңсыз нашар бо­ла­тын. Ой-шұқырлары қоғамдық кө­­­­ліктердің қауіпсіздігіне кедергі кел­­­тіріп, жолаушылар тасымалы қиын­­­даған еді. Қазір соңғы бір-екі жыл­­дың көлемінде кентішілік кө­ше­лердің сапасы жақсарса, ауданға қа­расты елді ме­кендерге қатынайтын ав­то­жолдар рет-ретімен жөндеуден өту­де. Мұның бәрі өңірдегі жол құ­ры­лы­сының қарқын алғанына дәлел болмақ.