АУДАНДА КӨПІР ҚҰРЫЛЫСТАРЫ АЯҚТАЛУҒА ЖАҚЫН
Бүгін облыс әкімінің орынбасары Серік Сүлейменов Әйтек каналындағы облыстық маңызы бар «Қызылорда-Жалағаш-Самара-Шымкент» автомобиль жолы бойындағы 90-150 шақырымдағы және 76+300 шақырымдағы көпірлердің күрделі жөндеу жұмыстарымен (№6 пост) танысты. Көпірлерді жөндеу жұмыстары өткен жылдың қазан айында басталған. Биылғы жылдың маусым айында екі көпірді де пайдалануға беру жоспарлануда. 40 жұмыс орны ашылған. Екі көпірдің жалпы ұзындығы 55,77 метрді құрайды.
Құрылыс жұмыстарымен танысқан облыс әкімінің орынбасары Серік Сүлейменов мердігер мекеменің басшыларына көпірді уақытында пайдалануға беру қажеттігін тапсырды. Ал, тиісті сала басшыларына құрылыстың сапалы болуын қадағалауды тапсырды.
